Follow

Contact

867-0661

Address

Mosfellsbær, Ísland

©2017 by Kallíópa. Proudly created with Wix.com

Höfundar

 

Hörður Steingrímssson

Hörður Steingrímsson er fæddur árið 1982, fæddur á Selfossi en alinn upp á Eyrarbakka. Hann byrjaði að skrifa 14 ára gamall og þá helst ljóð og smásögur. Fyrstu skáldsöguna skrifaði hann þremur árum seinna en henni var stolið ásamt tölvunni hans. Í dag starfar Hörður við húsasmíði en hefur skrifin enn sem áhugamál og mun hans fjórða verk koma út hjá Kallíópu í nóvember. Áður hefur Hörður gefið út ljóðabækurnar Í upphafi skapaði Guð og Feyktu mér stormur, og nóvelluna Tinder Match. 



Sjöfn Hauksdóttir

Sjöfn Hauksdóttir er fædd árið 1991 í Vestmannaeyjum en ólst upp í Kópavogi. Hún er með BA gráðu í bókmenntafræði úr Háskóla Íslands og hefur einnig lagt stund á listnám í San Francicsco. Sem stendur er hún í mastersnámi í bókmenntafræði og vinnur samhliða náminu, bæði á hóteli og sem teiknari. Sjöfn byrjaði snemma að búa til sögur og vann til að mynda smásagnakeppni þegar hún var sex ára en hún segist þó oftast hafa teiknað sögurnar frekar en að skrifa þær. Í haust mun hún svo gefa út sína fyrstu ljóðabók hjá Kallíópu.

Birgitta Björg Guðmarsdóttir

Birgitta Björg Guðmarsdóttir er 19 ára skáld og nýútskrifaður MH-ingur. Hún er fædd og uppalin í Reykjavík og starfar sem stendur í Pennanum Eymundssyni. Birgitta byrjaði að skrifa árið 2014 og skrifar helst um það sem brennur heitast, til dæmis stöðu einstaklinga gagnvart öðrum og samfélagi og kynjahlutverkunum. Hún hefur birt nokkur ljóð, annars vegar í skólablaðinu Beneventum og hins vegar í 2. tölublaði af Portrett, en sitt fyrsta skáldverk gaf hún út hjá Kallíópu í ágúst 2018.

This site was designed with the
.com
website builder. Create your website today.
Start Now